Филиппиндегі жер сілкінісінен 2 адам қаза тапты

Филиппин аралдарының оңтүстік жағалауында қуаты 7,4 балдық жер сілкінісінен кейін іздеу-құтқару жұмыстары жүріп жатыр. Алдын ала мəліметтерге сай, 2 адам қаза тапқан. Зілзала ошағына жақын маңдағы қалаларға айтарлықтай зақым келген. Билік қуатты афтершоктар қайталануы мүмкін екенін ескертті. Филиппин Тынық мұхиттың отты шеңберінде орналасқан. Мұнда жыл сайын 800-ден астам дүмпу тіркеледі. Екі апта бұрын аралдық мемлекетті қуаты 6,9 балдық зілзала теңселткен еді. Сол апаттан Себу аралында 74 адамның өмірі қиылды.