СҚО-дағы мал дәрігерлері әулетін ауылдастары мақтап отыр

Солтүстік Қазақстан облысында тұратын Бисариндер жанұясы ветеринар мамандығын әкеден балаға жалғап келеді. Әулеттегі еңбек адамдарының бұл салада қызмет етіп келе жатқанына жарты ғасырдан асқан. Бір отбасындағы ветеринарлар ауылдық округтегі 10 елді мекенде, бірнеше шаруа қожалығында жұмыс істейді.

Осы мамандықты таңдауымның себебі – ата-анам. Біз мектеп оқып жүрген кезден-ақ барлығын көріп, бірге біліп, үйреніп жүргенбіз. Маған аса қатты ауыр емес, өйткені ағам бар, әкем бар қасымда, көмектеседі.

Сағат 4-5-тен келеді. Қай көшеге келетінін айтады. Содан күтіп тұрамыз. Келеді, анализ алады, сосын 6-7 кезінде малды шығарамыз. Ерте келеді. Керек дәрілерін айтады. Бәрі жақсы, ветеринар дәрігерлер оңды жұмыс істейді.

Малдың арасында жүрген ұнайды. Мысалы, біреудің малы ауырып та қалады. Хабарласып, шақыртады, шақыру көп болады. Барасың, емдейсің. «Ой, жақсы болды, тәуір боп кетті», - деп, айтып жатады, қуанамыз. Біздің еңбегіміздің нәтижесі жақсы болып шыққанына қуанамыз. Ұнағасын істеп жүрміз, ұнамаса, бір күн де істемейтін едім. Бірақ өте қауіпті жұмыс.

Ауылдың баласы болғасын қаланы қатты жақсы көрмеймін. Ауылда мал ұстаймыз, отын дайындаймыз. Ауылдың жұмысы көбірек  ұнайды.