Украинадағы АЭС Ресей шабуылынан соң қайта қосылды

Ресейдің шабуылынан жарығы өшкен Чернобыль атом электр станциясына электр қуаты қайта берілді. Украина энергетика министрлігінің мәліметінше, нысанда радиация бақылаудағы деңгейден аспаған, тұрғындарға қауіп төніп тұрған жоқ. Ал президент Владимир Зеленскийдің айтуынша, блэкаут үш сағаттан астам уақытқа созылған. Сәрсенбіде Ресей күштері Киев облысының Славутич қаласындағы энергетика инфрақұрылымын әуеден шабуылдады. Бұл соққыдан кейін АЭС-тің 4-ші блогының үстіндегі саркофагы қуатсыз қалып, апатты жағдай жарияланған еді.