Талдықорғанда бос жұмыс орындары жәрмеңкесі өтті

Талдықорғанда Еңбек күніне арналған бос жұмыс орындары жәрмеңкесі өтті. Шараға өңірдегі мемлекеттік органдар мен жеке кәсіпорындардан 30-ға жуық жұмыс беруші қатысты. Олар 150-ден астам тұрақты және уақытша жұмыс орындарын ұсынды. Сонымен қатар қатысушыларға мемлекеттік қолдау құралдары, қысқамерзімді оқыту курстары мен кәсіпкерлікке арналған гранттар да таныстырылды.

Ернат Бәзіл, Талдықорған қаласының әкімі:

Жылдың басынан бастап өткізіп келе жатырмыз. Мынау төртінші жәрмеңке, ұмытпасам. Биыл жылдың аяғына дейін тағы 3-4 жәрмеңке өткіземіз деп жоспарлап отырмыз.

Шырын Әшімқызы, Талдықорған тұрғыны:

Осы жәрмеңкеге мен өзіме керек мамандықты іздеп келдім. Жұмыс іздеп, яғни. Өзімді жалақым қанағаттандыратындай, жұмысым өзіме ұнайтындай. Жәрмеңке соған көмектеседі деп ойлаймын.