Жетісу облысында жасөспірімдерді жат ағымға тартқандар ұсталды

Жетісу облысында жасөспірімдерді жат ағымға тартқандар ұсталды. Өздерін «Қайырымдылық қоры» деп таныстырған олар, жатақханада жасырын діни сабақтар өткізген. Профилактикалық жұмыстар барысында пайдаланылған ғимараттан шетелдік діни кітаптар табылды. Қазіргі уақытта ұйымдастырушылардың әрекеттеріне қатысты тексеру жалғасуда. Әзірге төрт адамға хаттама толтырылып, әкімшілік жауапкершілікке тарту көзделді. Ал ата-аналарға балаларын тәрбиелеу міндетін дұрыс орындамағаны үшін айыппұл салынды. Сондай-ақ бір жасөспірім бейімдеу орталығына жеткізілді.

Еске салсақ, биыл наурыз айында Талдықорған қалалық сотының шешімімен жалған «Қайырымдылық» ұйымдары мәжбүрлі түрде таратылған.