Жетісу облысында «Таза Бейсенбі» экологиялық акциясы өтті

Жетісу облысында «Таза Бейсенбі» экологиялық акциясы өтті. Игі шараға еріктілер мен жастарды және тұрғындарды қоса алғанда 50-ден аса адам қатысты. Олар Талдықорған мен Текелі қаласын жалғап жатқан күре жолдың бойын күл қоқыстан тазартты. Сондай-ақ «Өмірбұлақ» аталатын махаббат ескерткішінің маңын тұрмыстық қалдықтардан арылтып, Жетісу үшін қасиетті саналатын бұлақ басына да тазалық жұмыстарын жүргізді. Ұйымдастырушылардың айтуынша, дала тазалығы – жан тазалығы.

Күнгей Бірлес, «Ақын Сара» бастауыш партия ұйымының төрағасы:

Тазалық дегенді жалпы көше тазалығы ғана емес жан тазалығы деп те білеміз. Текелі таулы аймақ болғандықтан әрбір азамат таза ұстауға міндетті. Табиғатты аялауға және экологияны таза ұстауға барлық азаматтарды шақырамыз.