Талдықорғанда 8 ғимаратқа жарылғыш зат қойылды деген жалған ақпарат тарады

Талдықорғанда соңғы үш күнде жалпы саны 8 ғимаратқа жарылғыш зат қойылды деген жалған ақпарат тарады. Кеше кешке белгісіз біреулер  қаладағы сауда орталығына хабарласып, елді дүрліктірген. Ал бүгін дәл осындай жалған қоңырау тағы 4 мектепке келіп түсті. Жарылғыш зат туралы хабар түсе салысымен барлығы 3 мыңнан аса адам қауіпсіз жерге шығарылған. Саперлер мен кинологтардан құралған арнайы орган қызметкерлері ғимараттарды толық тексеріп, жарылғыш заттың жоқ екенін анықтады. Қазіргі уақытта мамандар фейк хабарлама берген адамдарды іздестіруде.

Жанар Халықова, Жетісу облысы ПД ресми өкілі:

Барлық мекемелер қалыпты режимде жұмыс істеп жатыр. Қазіргі уақытта әдейі жалған хабарлама берген адамдарды анықтап, ұстау бойынша жедел-тергеу іс-шаралары жүргізілуде. Жетісу облысының полиция департаменті ескертеді: әдейі жалған хабар бергені үшін қатаң қылмыстық жауапкершілік көзделген.