ІІМ жолда бақылауды күшейтті

Соңғы үш күнде болған ірі жол апатынан кейін ІІМ  жолдағы бақылауды күшейтті. 12 қыркүйек күні Маңғыстау облысында автобус аударылып, 10 адам қаза тапты. Арада екі күннен соң Жетісу облысында үш көлік соқтығысып, салдарынан тағы 10 адам мерт болды. Ал Қарағанды облысындағы жол апатынан 5 адам көз жұмды. Енді  жол бойында бақылау күшейіп, қалааралық бағыттар мен жеке тасымалдаушыларға мониторинг жүргізіледі. Сонымен қатар көліктердің техникалық жағдайы мен жүргізушілердің жауапкершілігіне ерекше назар аударылмақ.