Жетісу облысында алаяқтық жүйе құрған ер адам ұсталды

Жетісу облысының прокуратурасы мен полицейлері интернет қылмысқа қатысты арнайы операция ұйымдастырды. Нәтижесінде алаяқтық жүйені құрған ер адам ұсталды. 23 жастағы Алматы қаласының тұрғыны жарнамалық платформаларға тауарлы несие алып беру қызметін ұсынып, алдын-ала пайыздық үстемақы сұраған. Жәбірленуші тараптан қаражат түскен бойда байланысты үзіп, дроперлар арқылы қолма-қол ақшаға айналдырған. Қамауға алынған азаматтың үстінен төрт адам шағым түсірді. Қазір оның басқа да қылмысқа қатыстылығы анықталып, сыбайластары іздестіріліп жатыр.

Адай Құтымов, Жетісу облыстық прокуратурасының басқарма бастығының орынбасары:

2025 жылдың өткен кезеңінде 616 қылмыстық іс тіркелді. Оның 347 интернет-алаяқтық іс. Қылмыстық қудалау органдарымен 321 қылмыстық іс ашылып, сотқа жолданды.