СҚО-да ғылым мен тәжірибенің арқасында сүт өнімі артып келеді

Солтүстік Қазақстан облысында асыл тұқымды мал өсірумен айналысатын 100-ге тарта шаруашылық бар.

Солардың бірі - Есіл ауданы Заградовское ауылындағы сүт фермасы. Серіктестік ірі-қара өсіреді. Асыл тұқымды мал – ерекше күтімді қажет етеді. Любовь Акст төрт түліктің бабын тауып, мол өнім алу жолын жақсы білетін маманның бірі. Негізгі міндеті – сүт фермасындағы 400 бас сауын сиырдың жай-күйін қадағалау. Білікті маман селекция, малға сапалы азық беру сынды маңызды мәселелерге жауапты. Ғылым мән тәжірибенің арқасында шаруашылық күніне 8 мың литрден астам сүт өндіреді. Симментал тұқымды ірі-қара 6 жыл бұрын Австриядан әкелінген. Жұмыстың басым бөлігі автоматтандырылған.

Любовь Акст, зоотехник:

Мен сүт фермасы ашылғаннан бері жұмыс істеп келемін. Шет елден жеткізілген ірі қараны да бірінші болып өзім қабылдап алдым. Әр сиыр күніне 23 литрге дейін сүт береді. Бұл өте жақсы көрсеткіш. Ғылым мен технологияның күн сайын дамып жатқан заманында зоотехник мамандығы көп ізденісті қажет етеді.