Импортқа тәуелділікті азайту – стратегиялық міндет

Ауыл шаруашылығы – ел экономикасының маңызды секторларының бірі.

Саланы жаңғырту мақсатында ауыл шаруашылығы өнімдерін терең өңдейтін ірі жобалар жүзеге асырылуда. Бұл мақсатқа 2 миллиард доллардан астам инвестиция тартылып, 3 мыңнан аса жаңа жұмыс орны ашылмақ. Жүргізіліп жатқан реформалар жалғасын табады, деді Мемлекет басшысы Қасым-Жомарт Тоқаев халыққа арналған Жолдауында. Теріскейлік шаруа Олжас Бектасов, импортқа тәуелділікті азайтып, ұлттық өнімді шетелге таныту – стратегиялық міндет екенін атап өтті.

Олжас Бектасов, шаруа:

Мемлекет қолдауының арқасында біз дамуға, өндіріс көлемін ұлғайтуға мүмкіндік алып отырмыз. Жолдауда халықаралық нарыққа шығу қажеттігі айтылды. Президенттің бұл бастамасын қолдаймыз. Әзірге өнімді Қазақстанның солтүстік, орталық өңірлерінде саудалап жүрміз. Болашақта экспортқа шығу жоспарда бар. Ол үшін үздіксіз еңбектену қажет.