Қордай ауданында ҚХА құрылды

Жамбыл облысы Қордай ауданында Президент тапсырмасымен өз алдына Қазақстан Халқы Ассамблеясы құрылды. Аталған ұйымның алғашқы отырысы өтіп, онда мемлекетіміздің мызғымас бірлігі мен ел ынтымағын жалғастыру жолындағы жоспарлар пысықталды.

Бүгінде ауданда 30-дан аса этнос өкілі тұрады. Олар осындағы 158 мың тұрғынның 46%-ын құрайды. Бір үйдің баласындай болған түрлі ұлт өкілдері тату-тәтті өмір салтымен өзгелерге үлгі. Олар көпэтносты қоғамда достық пен өзара құрметті әрқашан жоғары қоюға шақырады.

Біржан Әлімбет, Қордай аудандық ақсақалдар кеңесінің төрағасы:

Қалай болғанда да, біз кейінгі ұрпаққа еліміздің татулығы мен бірлігін аманаттап қалдыруымыз керек. Осы жолда біз, ақсақалдар мен ардагерлер, үлкен еңбек атқарып келеміз.

Камила Дургалова, Қордай аудандық түрік этномәдени бірлестігінің жетекшісі:

Этностардың басты мақсаты – бейбітшілік пен бірлікті сақтау. Біз өзіміздің ахыска түріктерінің салт-дәстүрі мен тілін, сондай-ақ қазақ тілін дамыту үшін жұмыс істеп келеміз.