Ұлттық ұландағы сарбаз 5 бірдей түркі тілін меңгеріп алған

Ұлттық ұлан қатарында бес түркі тілін меңгерген сарбаз қызмет етеді. Владимир қазақшадан бөлек өзбекше, қырғызша, ұйғырша және татарша біледі. Қарақалпақ, ноғай және қарашай тілдерін де түсініп, ауызекі сөйлей алады. Оның арманы барша түркі тілінде сөйлеп, ұлттар арасындағы достықты нығайту. Сарбаз күнделікті қызметте тіл білудің пайдасы көріп жүрмін дейді.

Владимир Копылов, Ұлттық ұлан 5571 әскери бөлімінің жауынгері:

Біздің міндетіміз – бүкіл Алматы қаласының тыныштығына жауап беру. Мен қызметте жүрген кезде маған адамдар келіп, ұйғырша сұрап жатыр, көше қай жақта деп сұрайды. Мен ұйғырша түсінемін. Қиналмай түсіндіріп берген соң олар да маған қарап, риза болады.