Шымкентте тазалық мәдениеті қалыптасып келеді

Шымкент қаласында кезекті рет өткізілген «Таза бейсенбі» акциясы барысында шаһар аумағынан 3 тоннаға жуық қоқыс шығарылды. Сондай-ақ каналдардың арнасы тазартылып, көше бойларындағы ағаштар бұталды. Қураған шөп-шалаңдар жиналды. Көшенің жиектері мен аяқжолдар сыпырылды. «Аmanat» партиясы ұйымдастырған экологиялық шараға жастар, коммуналдық сала жұмысшылары қатысты. Елімізде «Таза бейсенбі» акциясы басталғалы Шымкентте 33 рет тазалық шарасы өткізілген. Оған қатысқан азаматтардың көмегімен 32 тоннадан астам қоқыс жиналған.

Ербол Байқонысов, «Amanat» партиясы Шымкент қалалық филиалы атқарушы хатшысының орынбасары:

Рухани тазаруымыз қажет. Сондықтан әркім өзінен бастауы тиіс. Басталған кездегіден қазіргі жағдайды салыстырсақ, қала тазарып жатыр. Тұрғындардың тазалыққа деген құштарлығы артып, тазалыққа белсенді атсалысып жатыр.

Ғани Қалмахан