СҚО-да 24 мыңнан астам адамның құқығы қорғалған

Солтүстік Қазақстан облысында жыл басынан бері 24 мыңнан астам адамның құқығы қорғалды. Прокурорлардың араласуымен 220 адамға 101 млн теңге көлемінде жалақы қарызы қайтарылды. Бұл жөнінде «Конституция – ҚР тәуелсіздігі мен дамуының негізі» атты дөңгелек үстелде айтылды. Ата Заңның 30 жылдығына арналған шараға мемлекеттік органдардың, қоғамдық бірлестіктердің, ғылыми қауымдастық өкілдері қатысты. Шараның негізгі мақсаты – Конституцияның елдің негізгі заңы ретіндегі маңызын айшықтау, дейді ұйымдастырушылар. Жиын қорытындысы бойынша мемлекеттік органдардың жұмысын одан әрі жетілдіру және қоғамдық институттармен байланысты нығайту жөнінде ұсыныстар қабылданды.

Эльмира Кәленова