Атырауда «Ата заң – ұлттың қазығы» атты дөңгелек үстел өткізілді

Ата заң – ұлттың қазығы. Осындай атаумен Атырауда конституцияның 30 жылдығына орай дөңгелек үстел өтті. Шараға зиялы қауым өкілдері, заңгерлер, ұстаздар мен жастар қатысты. Олар алдымен Конституцияның тарихи қалыптасу кезеңіне тоқталып, одан әрі құқықтық мәдениетті нығайту жолдарын талқылады. Негізгі мақсат – құжаттың тарихи маңызын, қоғамдағы тұрақтылық пен бірлікті қамтудағы рөлін кеңінен насихаттау. Конституцияға уақыт өте өзгерістердің еніп отыруы бұл – заман талабы. Облыстық Ақсақалдар кеңесі төрағасының орынбасары Түрікменбай Нұржігітов осындай пікірде.

Түрікменбай Нұржігітов, облыстық Ақсақалдар кеңесі төрағасының орынбасары:

Мүмкін әлде де өзгерістер болар. Себебі айналамызда болып жатқан қилы замандар, экономикалық дағдарыстар кейбір заңдардың өзгеруіне соқтыруы мүмкін. Ал ол біздің Конституцияның заңында арнайы көрінбесе, жаңағы айтқан заңсыздықтарға әкелуі мүмкін.

Нұрсұлтан Нұрсейіт