Алматыда түнде жүрген 38 бала анықталды

Алматыда түнгі рейд кезінде ата-анасыз немесе заңды өкілінсіз жүрген 38 бала анықталды. Қалалық полицияның хабарлауынша, олардың төртеуі басқа өңірлерден келген. Қазір жасөспірімдер уақытша балаларды қолдау орталығына орналастырылған. Ата-аналары әкімшілік жауапкершілікке тартылды.

Сол үшін тәртіп сақшылары әр ата-анаға балалардың қауіпсіздігіне мән беріп, бақылауға алуға шақырады. Әсіресе түнгі уақытта не істеп, қайда жүргенін қадағалаудың маңыздылығын атап өтті.

Кәмелетке толмағандардың қауіпсіздігін қамтамасыз ету және құқық бұзушылықтардың алдын алу мақсатында профилактикалық жұмыстар жалғасады.

Қуан Нұрақын