Жаңалықтарды Telegram арнамыздан оқыңыз!Бала қауіпсіздігі шет мемлекеттерде қалай жолға қойылған? Мәселен Жапонияда бастауыш сынып оқушыларының мектепке жалғыз баруы – қалыпты жағдай. Көшеде арнайы жолақтар мен төмен орнатылған бағдаршамдар бар. Ал мектеп маңына қойылған «Tobita-kun» белгілері жүргізушілерге «жылдамдықты азайт», оқушыларға – «сақ бол» деген ескерту жасайды. Кей мектептерде таңертең қарт еріктілер кезекшілікке тұрып, балаларды жолдан өткізеді. Оқушының қауіпсіздігіне арналған тағы бір дәстүрлі құрал – «рандосэру» сөмкесі. Оны балалар бастауыштан бастап, 6-шы сыныпқа дейін ұстайды. Бұл сөмке жарық шағылыстырады. Тіпті GPS жүйесі мен SOS батырмасы да бар. Сөмке суға да батпайды, ал жер сілкінісі кезінде балаға қорған болады.
Темірлан Нұрсолтан
