Жетісу облысындағы кәсіпкер субсидия қаржысын құмар ойынға салған

Жетісу облысында ауыл шаруашылығына арналған субсидия қаржысын жымқыру дерегі анықталды. Қаржы мониторинг агентігінің дерегінше, серіктестік басшысы екі жыл бойы жалған құжаттарды пайдаланып, сүт өнімдерін қайта өңдеуге бөлінген қаржыны заңсыз иемденіп келген. Жалған мәліметтер арқылы ауыл шаруашылығы басқармасынан 300 млн теңгеден астам субсидия алған. Құзырлы орган мамандары заңсыз алынған ақшаның 110 млн теңгесі құмар ойындарға жұмсаған деп отыр. Сот санкциясымен зауыттың жұмысы тоқтатылған. Ал күдікті үй қамақта. 

Дамир Нұрмұхамет