Жаңалықтарды Telegram арнамыздан оқыңыз!Қазақстанда алғаш рет спорт ардагерлер одағының республикалық форумы өтеді. Бұл іс-шараға заманында байрақты додаларда ел намысын абыроймен қорғап, әлемдік ареналарда көк туымызды желбіреткен жүзден аса спортшы жиналмақ. Ардагерлердің басын қосып, оларды жас буынға үлгі ету – форумның бас мақсаты. Асық ату, үстел теннисі, бильярд және шахматтан жарыстар ұйымдастырылады. Ал былтыр құрылған спорт ардагерлері одағы келешeкте 17 облыста филиалдарын ашып, жаңа мүшелерін қабылдамақ.
Елсияр Қанағатов, «Қазақстандық спорт ардагері одағы» РҚБ төрағасы:
Қазақстанның еңбек сіңірген жаттықтырушысы, республикалық деңгейдегі төреші қабылданады. Жасы 50-ден жоғары болу керек. Сәйкес келетін азаматтардың барлығын қабылдауға тырысамыз. Айсара Керімбекова сияқты әлеуметті шулатқан ардагерлеріміз еленбей қалған, солар болмас үшін, солардың тізімін жасап, ертең министрлікке, әкімдікке, соларға көмек көрсететін кәсіпкерлерге үндеу жасап, сондай шаралар. Алда көп жұмыс бар.
Темірлан Нұрсолтан
