Ақтауда климаттық өзгерістің Каспий экожүйесіне ықпалы талқыланды

Ақтауда халықаралық Каспий күніне орай «Каспий теңізі жаһандық климаттың өзгеруі жағдайында» тақырыбында дөңгелек үстел өтті. «Таза Қазақстан» экологиялық акциясы аясында ұйымдастырылған шараға Тегеран конвенциясы хатшылығының өкілдері, сондай-ақ мемлекеттік органдар, ғылыми-зерттеу институттары, жас экологтар мен үкіметтік емес ұйымдардың өкілдері қатысты. Олар климат өзгерісінің Каспий экожүйесіне әсерін талқылады. Қазіргі таңда теңіз деңгейінің төмендеуі мен ластануы экологтарды алаңдатып отыр.

Орынбасар Тоқжанов, «AMANAT» партиясы Маңғыстау облыстық филиалының жанындағы экологиялық кеңес төрағасы:

Мысалы, Еуразия каналы Азов теңізі мен Каспий теңізін Құма мен Манаш ойпаттары арқылы қосатын жоба. Ұзындығы шамамен 780 км болатын бұл ойпатта бір кездері су болып, Қара теңіз бен Каспий қосылып жатқан. Ендеше, оны канал арқылы қайта қосудан басқа жол қалмады.

Дамир Нұрмұхамет