Жаңалықтарды Telegram арнамыздан оқыңыз!Қазақстанда өзгенің электрондық цифрлық қолтаңбасын қолданғандар жазалана бастады. Цифрлық даму министрлігінің хабарлауынша, 13 наурыздан бері басқа адамның цифрлық қолтаңбасын қолданған бір азаматқа қатысты іс қозғалды. Ал былтыр осы заңды бұзғаны үшін 10, биыл 7 адам әкімшілік жауапкершілікке тартылған. 2016 жылдан бері елімізде электрондық жабық кілтті бөгде адамдарға бергені үшін айыппұл қарастырылған. Биыл наурыздан бастап өзгенің цифрлық қолтаңбасын пайдаланғаны үшін тағы жауапкершілік енгізілді. Заң бойынша иесі келісім берсе де, басқа адамға пайдалануға болмайды. Айыппұл мөлшері – жеке тұлғаларға 196 мың теңге, ал ірі бизнеске 786 мың теңгеге дейін.
Шерхан Жамбылұлы
