Алакөлде мүмкіндігі шектеулі жандарға арналған дәріс өтті

Алакөл жағалауында мүмкіндігі шектеулі жандарға арналған дәріс өтті. Мамандар оларға әлеуметтік кәсіпкерлікті бастаудың жолдарын үйретті. Жетісу облысында 22 мыңдай мүмкіндігі шектеулі жан болса, олардың жартысына жуығы еңбекке қабілетті. Солардың бірі - Құндыз Бейсен. 4 жыл бұрын жол апатына ұшыраған ол қиындыққа мойымай, оңалту орталығында денсаулығын түзеді. Қазір өз кәсібі бар. Тіпті сол үшін Алматыдан Талдықорғанға көшіп келген. Ендігі ойы бастаған кәсібін дамыту, жаңа белестерді бағындыру.

Құндыз Бейсен, Талдықорған тұрғыны:

Бірінші арманым – аяғымнан тұрып, жүріп кету. Бірақ мүмкіндігім шектеулі екен деп, мен ары қарай отырып қалмаймын. Ары қарай дамып, көп нәрсені біліп, көп адамдарға мотивация болып, өмірге деген құлшынысымды ояту.

Дамир Нұрмұхамет