Шахматтан «SENAT open-2025» ашық кубогы өтті

Талдықорғанда шахматтан «SENAT open-2025» екінші ашық кубогының жартылай финалы өтті. Қазақстан Республикасы Парламенті Сенатының қолдауымен және Қазақстан шахмат федерациясының бастамасымен ұйымдастырылған бұл сайысқа еліміздің 4 облысынан 100-ден астам адам қатысты. Олардың арасында мәслихат депутаттары, мемлекеттік қызметкерлер, қоғамдық ұйымдардың мүшелері, ардагерлер мен бұқаралық ақпарат құралдарының өкілдері бар. Жалпы көшбасшылардың зияткерлік сайысы 9 турдан, швейцариялық жүйе бойынша 10+5 уақыт бақылауымен өтеді. Жартылай финалда үздік атанған 38 қатысушы Астанада болатын финалға жолдама алады.

Тоқтасын Қажыкенұлы, қатысушы:

Мен Өскемен қаласының тұрғынымын. Мұндай турнирлерге үнемі қатысып келемін, әрине, түрлі деңгейде жетістіктерім де бар. Бүгін, 86 жаста болсам да, осы турнирге келіп отырмын.

Дамир Нұрмұхамет