Таза Қазақстан: Астанада қала кіреберісі қоқыстан тазартылды

Қала кіреберісінің тынысы ашылды. Бүгін «Аманат» партиясының мүшелері Қабанбай көшесі бойын тазалады. Тұрмыстық қалдықтарды жинап, жасыл желек айналасындағы құрғақ шөпті жұлды. Есіл-Нұра каналымен қоса, Ұлы дала көшесінде де бүгін тазалық шарасы өтті. Жалпы, партия белсенділері биыл 50-ден астам аумақты қоқыстан арылтты. Игі іске 6 мыңға жуық адам қатысты.

Санира Жүсіпова, «Amanat» партиясы Есіл ауданы филиалының төрағасы:

Мақсат тек қоқыстарды жинау ғана емес. Біз бүгін мокулатура да жинап жатырмыз. Мокулатураның барлық тапсырған қаражаты «Мектепке даярлық» акциясына біздің көпбалалы отбасыларға жіберілетін болады. Локация қалай табылады. Жайдан-жай біз бұл орынға келмейміз. Міндетті түрде барлық жерді әкімшілікпен тексеріс жасаймыз. Сол нәтиже бойынша біз өзімізге белгілі бір аумақты алатын боламыз.

Алдияр Айтбай