СҚО-да газ жарылып, бір адам қайтыс болды

Солтүстік Қазақстан облысы Тайынша ауданы Ильичевка ауылындағы май зауытында газ жарылып, бір адам қайтыс болды.

Төтенше жағдай маусым айының соңында тіркелген еді. Жарылыстан 9 адам зардап шекті. Денесінің 70 пайызын күйік шалған көлік жүргізушісі ауруханада көз жұмды. Полиция департаментінің хабарлауынша 7 адам емделіп шықты. Ал 3-ші деңгейдегі күйік алған бір науқас әлі ауруханада жатыр. Мамандардың айтуынша жағдайы тұрақты. Естеріңізге сала кетсек, газгольдерге көгілдір отын құйып жатқан кезде шланг жарылып кетіп, от шыққан. Қызыл жалын 50 шаршы метр аумаққа таралды. Аталған дерекке қатысты қылмыстық іс қозғалып, тергеу жүріп жатыр.

 Марат Ахметбеков, СҚО ПД тергеу басқармасы бастығының орынбасары:

Алдын-ала мәлімет бойынша өрт қауіпсіздігін сақтамау – оттың шығуына себеп болған. Салдарынан газ-ауа қоспасы тұтанған. Кешенді сараптама жүріп жатыр.

Эльмира Кәленова