Жетісу облысында «Таза бейсенбі» экологиялық акциясы өтті

Жетісу облысына қарасты Нұрмолда Алдабергенов ауылында «Таза бейсенбі» экологиялық акциясы өтті. Игі шараға мемлекеттік қызметкерлер, белсенділер мен тұрғындарды қоса алғанда 50-ден аса адам қатысқан. Олар Алдабергенов саябағын тұрмыстық қалдықтар мен қоқыстан тазартты. Бүгінгі күнге дейін Ескелді ауданында 5 тоннадан астам қоқыс арнайы орынға жөнелтілген. Эко акция алдағы уақытта да жалғасып, ауданның өзге де елді мекендерінде өткізіледі, дейді ұйымдастырушылар.

Дамир Нұрмұхамет