Жаңалықтарды Telegram арнамыздан оқыңыз!Жамбыл облысы, Құлан ауылында орналасқан «Ардагерлер саябағы» тазартылды. Экологиялық бастама «Таза бейсенбі» акциясы аясында өтті. Шараға «AMANAT» партиясының аудандық филиалы белсене атсалысты.
Тазалық жұмысына сондай-ақ «Жастар рухы» жастар қанаты мен «Қарақат» бастауыш партия ұйымының мүшелері де қатысты. Олар тұрмыстық қалдықтарды жинап, шөп шауып, арық-атыздарды ретке келтірді. Жалпы саны 50-ге жуық адам жұмылдырылды.
Белсенділердің күшімен 1 тоннаға жуық қалдық шығарылды. Мұндай шаралар көрші ауылдарда да жалғасын тапты. Жалпы, көктемнен бері өтіп жатқан экологиялық акцияға 100 мыңнан астам адам қатысып, 7 мың тоннаға жуық қоқыс жиналған.
Тұрсынхан Жаманбаев, Құлан ауылының тұрғыны:
Мен күн сайын осы «Ардагерлер үйіне» келіп тұрамын. Бүгін бұл саябақты «AMANAT» партиясының белсенділері келіп тазартқанына шын жүректен алғысымды білдіремін. Еліміз таза болсын.
Данияр Әлімқұл
