«Таза Қазақстан»: 3500 тонна қоқыс жиналды

Ұлытау облысында «Таза Қазақстан» экологиялық акциясы өтті. Оған 40 мыңнан астам адам қатысып, 3500 тоннадан астам қоқыс шығарылды. Жезқазғанда тұрғындар ағаштарды суарып, алаң аумағын күтсе, Сәтбаевта экологиялық өлеңдер оқылып, балалар алаңы абаттандырылды. Қаражал, Жаңаарқа мен Ұлытауда «Таза қала», «Таза аудан» акциялары өтіп, орталық көшелер мен саябақтарда тазалық жұмыстары жүргізілді. Жайрем ауылында еріктілер тұрғындарға қалдықтарды сұрыптау мен табиғатты қорғауға қатысты брошюралар таратып, экологиялық тәрбиеге бағытталған ақпараттық-түсіндіру жұмыстарын өткізді. Жыл басынан бері өңірде жеті облыстық және төрт қалалық сенбілік өткен. Бүгінде бұл шара дәстүрге айналып келеді.

Динара Жарқынбек