«Бағанашыл» балалар үйіндегі дауды Президент әкімшілігі тексереді

«Бағанашыл» балалар үйіне қатысты туындаған дауды жан-жақты әрі объективті тексеру үшін Алматы қаласына Президент әкімшілігінің арнайы комиссиясы барды. Олар тәрбиеленушілермен, мекеме басшылығымен және қызметкерлермен, сондай-ақ, білім беру жүйесінің өкілдерімен кездесті. Қазір көшіруге қатысты құжаттар сарапталып жатыр. Бұған дейін Мемлекеттік кеңесші Ерлан Қарин әлеуметтік желіде «Мемлекет басшысының тапсырмасымен Президент Әкімшілігі кешегі оқиғаға қатысты қызметтік тергеу жүргізуді бастады. Президент Әкімшілігінің мемлекеттік инспекторлары және Ішкі саясат бөлімінің қызметкері аймаққа жол жүріп кетті» - деп жазды. Ал, кеше Президент балалар үйін Алматыдан Қонаевқа көшіруге тыйым салған еді.

Динара Жарқынбек