Жаңалықтарды Telegram арнамыздан оқыңыз!Ресейде санкция салдарынан ұшақ жетпей жатыр. Елдегі әуе компаниялардың паркіндегі ұшақтың 80 пайызы Еуропа елдерінен лизингте болған. Мамандар санкция басталғалы отандық ұшақ шығарамыз деп, мәлімдеген еді. Алайда Ту-214 ұшағы ұшуға жарамсыз болып қалды, ал барын жөндеуге құрал жоқ. Сондықтан Ресейде ұшақ саны жеті есе қысқарып, әуе билеттері 200 пайызға қымбаттады. Тығырықтан шығу үшін енді кеңестік кезеңдегі Ан-2 ұшақтарын қайтадан қолдану ұсынылды. Бірақ бұл қауіпсіздік талаптарына сай емес дейді мамандар.
Дмитрий Горин, сарапшы:
Әуе және темір жол саласындағы бағаны бақылап отырмыз. Санкция басталғалы ай сайын баға қымбаттауда, бұған инфляция да әсер етуде. Қазіргі таңда жолаушылар саны көп. Ал ішкі және халықаралық рейстердің саны 27 пайызға қысқарды. Бұл салада ешқандай субсидия жоқ.
Индира Бегайдар
