Әлем математиктері Астанада бас қосты

Әлемнің үздік математиктері Астанада бас қосты. Бүгін Назарбаев университетінде Isaac-2025 халықаралық конгресі басталды. Бұл шараны «Математика саласындағы Оскар» деп те атайды. Исаак конгресіне әлемнің әр түкпірінен 500-ге жуық ғалым қатысып жатыр. Олар математика және оған жақын салалардағы өзекті мәселелерді талқылайды. Биыл алғаш рет Орталық Азияда, Қазақстанда өтіп отыр. XV Конгрестің төрағасы ретінде танымал қазақстандық ғалым, Назарбаев университетінің профессоры Дөрбетхан Сұраған сайланды.

Асқар Жұмаділдаев, физика-математика ғылымдарының докторы, профессор:

Мұндай деңгейдегі конгресс Қазақстанда бұрын болған жоқ. Одан үлкен пайда күтем Қазақстанға. Өйткенді ірі баяндамалар жасалады, ғылымның бүгіні мен болашағы қандай болады деген сұрақтарға жауап беріледі. Әсіресе, жастарға пайдалы. Ертең әрқайсысына 500 доллардан 100 адамға грант бөлеміз.

Дархан Рақымжан