Жаңалықтарды Telegram арнамыздан оқыңыз!Алматыда Қытайдан Қазақстанға, халық тұтынатын тауарларды контрабандалық жолмен әкелу және аса ірі мөлшерде жалған шот-фактуралар жазу дерегі бойынша қылмыстық іске қатысты айыптау үкімі шықты. Кінәлілерге 1 жылдан 4 жыл 6 айға дейінгі мерзімде бас бостандығынан айыру жазасы тағайындалды. Тағы бір адамға халықаралық іздеу жарияланды. Тергеу барысында олардың елімізге 100-ден астам контейнерді заңсыз кіргізгені анықталды. Сондай-ақ олардың бақылауындағы 10 ЖШС арқылы жалған шот-фактуралар жазылған. Мемлекетке келтірілген шығын есебі 10 млрд теңге. Сотқа дейінгі тергеп тексеруде 643 млн теңге қайтарылды. Күдіктілерге тиесілі тауарлар мен мүліктерге шектеу қойылды.
Дамир Нұрмұхамет
