Петропавлда экопикник өтті

Петропавлда жастар апта сайын сенбіліктерге шығып, қоғамдық орындарды абаттандырады. Жыл басынан бері «Таза Қазақстан» акциясы шеңберінде облыста 600-ге жуық іс-шара өткен. Бүгін де «Таза табиғат – таза болашақ» атты экопикник ұйымдастырылып, 50-ден аса адам қатысты. Дені жастар. Олар экология тақырыбында өзара пікір алмасып, проблемаларды шешу жолын қарастырды. Басты мақсат экологиялық мәдениетті қалыптастыру, дейді ұйымдастырушылар.

Дариға Смаилова «Ассамблея жастары» РҚБ жергілікті өкілдігінің жетекшісі:

«Таза Қазақстан» компаниясының маңыздылығы өте зор. Әсіресе жастар үшін. Өйткені біз Таза Қазақстанда, таза жерде өмір сүргіміз келеді. Айналамыз неғұрлым таза болса, біздің денсаулығымыз да соғұрлым мықты болады.

Дамир Нұрмұхамет