«Таза Қазақстан»: 1,4 млн тоннадан астам қоқыс шығарылды

«Таза Қазақстан» жалпыұлттық бастамасына бір жарым жыл ішінде 9 миллионнан астам адам қатысып, 1 миллион 414  мың тонна қоқыс шығарылды. 2,4 миллион көшет егіліп, 874 іс-шара ұйымдастырылды. Бұл туралы Экология және табиғи ресурстар вице-министрі айтты. @TazaQazBot телеграм чатына тұрғындардан 22 мыңнан астам өтініш келіп түскен. Оның 95 пайызы шешімін тапты. Ал жиналған қалдықтарды қайта өңдеу де экожобаның негізгі бағыты.

Мансұр Ошурбаев, ҚР Экология және табиғи ресурстар вице-министрі:

Қалдықтарды сұрыптау, қайта өңдеу үшін инфрақұрылым құру жұмыстары жалғасуда. Қазіргі таңда 63 жоба мақұлданды. Жыл сайынғы өңдеу қуатын 1,1 млн тоннаға арттыруға мүмкіндік береді. Оның ішінде 14 жоба, 52,4 млрд қаражат алды. Ал 106,9 млрд теңгеге тағы 23 жоба сараптаманың соңғы сатысында тұр.

Дархан Рақымжан