Талдықорғанда Италия университетінің кампусы ашылды

Талдықорғанда Италияның Марке политехникалық университетінің кампусы ашылды. Салтанатты рәсімге Италияның Қазақстандағы Төтенше және Өкілетті елшісі Антонелло Де Риу мен жергілікті билік өкілдері арнайы қатысты. Кампуста 4 зертхана бар. Енді студенттер өз елінде жүріп-ақ еуропалық стандарттарға сай білім ала алады. Бұл ретте «Агрономия-Ауыл шаруашылығы ғылымдары мен технологиялары» қос дипломдық бағдарламасы бойынша облыс әкімдігі бастапқы кезеңде 14 білім беру грантын бөліп отыр.

Жалпы, Жетісу - аграрлы аймақ. Сондықтан Марке политехникалық университетінің филиалында аграрлық сала мамандарын дайындауға баса көңіл бөлінеді, - дейді өңір басшысы Бейбіт Исабаев

Бейбіт Исабаев, Жетісу облысының әкімі:

Еуропаның жоғары оқу орнының Жетісудағы осы кампусты салуға келіскеніне біз қуаныштымыз. Бұл екі елдің білім саласындағы ынтамақтастығын нығайтудағы маңызды қадам болып отыр. Жетісу университеті қазір «Агрономия-Ауыл шаруашылығы ғылымдары мен технологиялары» бағытында қос дипломдық бағдарламаны жүзеге асыруда.

Дамир Нұрмұхамет