Жаңалықтарды Telegram арнамыздан оқыңыз!Шымкентте қылмыстық мақсатта пайдалану үшін атыс қаруларын өздеріне ыңғайлы етіп қайта жасап, оны заңсыз сақтап келген азаматтардың әрекетіне байланысты қылмыстық іс қозғалды. Тексеру кезінде олардан 9 суық қару тәркіленген. Сондай-ақ полиция қызметкерлері қаруды сақтау, алып жүру және тасымалдау тәртібін бұзғаны үшін 3 азаматты, тіркеу тәртібін бұзғаны үшін 20 адамды әкімшілік жауапкершілікке тартты. Жалпы, «Қару» іс-шарасы кезінде 5 мыңнан аса азаматтың үй-жайы тексерілген. Қару айналымы заңдылықтарын сақтамағаны үшін 128 әкімшілік құқық бұзушылық анықталған.
Асқар Жүзжасаров, қалалық ПД Әкімшілік полиция басқармасының бастығы:
Тапаншаны қайта құрастырып, қолдан жасалған қару қылмыстық іс-әрекет үшін жасалған қару болып саналады. Сондықтан тәркіленіп алынып, қазір қылмыстық іс қозғалып, тексеру ісі жүргізілуде.
Ғани Қалмахан
