Туристік жолдамалардың бағасы 48 пайызға қымбаттады

Шетелге саяхатқа шығу қымбаттай түсті. Елімізде туристік жолдамалардың бағасы бір жылда 48%-ға өскен. Ұлттық статистика бюросының мәліметінше, қазақстандықтар жиі тынығатын Түркия бағытының бағасы шарықтап кеткен. Бір жылда орташа есеппен 58%-ға өсіп отыр. Дубай жағажайларында күнге қыздырыну да енді қалтаға салмақ түсірмек. Әмірліктегі демалыс ақысы 68%-ға көтерілген. Ел ішіндегі турпакеттердің де құны өсіп отыр. Қазақстандағы демалыс үйлеріне жолдамалар орташа есеппен 15%-ға қымбаттаған. Ең қатты өсім Алматыда - 41%. Ал Астанада баға сол қалпында өзгеріссіз қалған.

Шерхан Жамбылұлы