Шымкенттегі газ тарату мекемесі 1800 абонентке негізсіз айыппұл салған

Шымкент қаласы бәсекелестікті қорғау және дамыту Департаментінің мәліметінше, газ тарату мекемесі 1 мың 800-ге жуық абонентке негізсіз айыппұл салған. Компания мұндай шара қолдану үшін тұрғындар көгілдір отынды мөлшерден тыс тұтынды, желіге дұрыс жалғанбады және пайдалану нормаларын бұзды деген себептерді негіз еткен. Абоненттерге салынған айппұлдың жиынтық сомасы 170 миллион теңге. Бәсекелестікті қорғау және дамыту Департаменті газ тарату мекемесінің айыппұлдарды есептеу формуласында қателіктерін кеткенін анықтап, істі сотқа жолдады. Соттың алғашқы сатыларында іс абоненттердің пайдасына шешілгенімен іске әлі нүкте қойылған жоқ. 

Ғани Қалмаханов