СҚО-да газ таситын көлік жанып, 9 адам жарақат алды

Солтүстік Қазақстан облысы Тайынша ауданындағы Ильчевка ауылында май зауытында газ таситын көлік жанып кетті.

Полиция департаментінің мәліметінше, 9 адам жарақат алған. 8-і ауруханаға жатқызылды. От 50 шаршы метр аумаққа жайылған. Алдын ала ақпарат бойынша, жанармай құю кезінде газгольдердің шлангісі үзіліп, газ тасығыш машина, кейіннен жерасты резервуар тіреуіш арматурасы жанған. Тайынша майы зауыты – Қытаймен бірлескен жоба. 2016 жылы ашылған кәсіпорында 70 адам жұмыс істейді. Зауытта зығыр, рапс, күнбағыс майы өндіріледі.

Эльмира Кәленова