Таразда азаматтық істердің 75 пайызы электрондық түрде қаралған

Сот жүйесі цифрландыру мүмкіндіктерін сәтті қолданып келеді. Мәселен Тараз қалалық сотына кейінгі бір жылда 9 мыңнан астам іс түссе, оның 75%-ы электрондық түрде қаралды.

Яғни арызданушылардың дені сот ғимаратына бармай-ақ, процеске қашықтан қатысып жатыр. Қалалық сот төрағасының айтуынша, ұжымдағы 20 судьяның әр қайсысының өндірісіне 90-нан 100-ге дейін азаматтық іс құжаттары түседі. Оларды қарау мерзімі екі күннен екі айға дейін созылуы мүмкін. Ал осы уақыт аралығында барлық процес электрондық түрде жүргізіліп, үкім кесіледі.

Берік Оразымбетов, Тараз қалалық сотының төрағасы:

Арыз түскеннен бастап, істі мұрағатқа жолдағанға дейін толықтай электронды жүйеде қаралған болатын. Өз арыздарын тапсырғаннан кейін, бізде автоматты түрде «Төрелік» жүйесі арқылы тіркеліп, содан соң автоматты түрде судьяға өзі бөлінеді. Мүлік даулар, жер даулар, мұрагерлік даулар және еңбек даулары бойынша сол бағыттағы істер азаматтық істер болып, қаралуға жатады.

Данияр Әлімқұл