Петропавл қаласында құқықтық кеңес алу үшін қоғамдық қабылдау өтті

Петропавл қаласында құқық қорғау органдарының мамандары тұрғындарға тегін заңгерлік ақыл-кеңес берді. «Заң мен тәртіп» тұжырымдамасын іске асыру мақсатында ірі сауда орталықтарында қоғамдық қабылдау ұйымдастырылды. Шараға прокуратура, Сыбайлас жемқорлыққа қарсы қызмет, экономикалық тергеу департаменті және полиция қызметкерлерінен құралған мобильді топтар қатысты. Ұйымдастырушылар мұндай шара алдағы уақытта да жалғасатынын жеткізді.

Азамат Нұрбаев, Экономикалық тергеу департаменті бөлім басшысының орынбасары:

Іс-шараның мақсаты – құқықтық көмек көрсету және халықтың құқықтық сауатын арттыру. Қазіргі уақытта ақша жинау, қаржы пирамидасы мәселелері өзекті. Оған келетін адамдардың басым көпшілігі егде жастағы адамдар.

Эльмира Кәленова