Алматыда «Сайран» көлінің жағалауында ауқымды экологиялық акция өтті

Алматыда жаңартылған Сайран көлінің жағалауында ауқымды экологиялық акция өтті. Тазалық шарасына елге танымал азаматтармен қатар, «Жасыл ел» жасақтары, еріктілер, комьюнити орталықтардың резиденттері – жалпы саны мыңнан аса адам қатысты. Бұдан бөлек қаланың барлық сегіз ауданында жергілікті сенбіліктер ұйымдастырылды. Акцияға 11 мың адам атсалысты. 275 арнайы техника жұмылдырылып, аумағы шамамен 1 500 текше метрге жуық қоқыс шығарылды. Тазалықты сақтау, көгалдандыру және инфрақұрылымды қорғау – әр адамның ортақ жауапкершілігі, - дейді шараға қатысқандар.

Жұбаныш Жексенұлы, әнші:

Бұл шараның әсіресе, жастарға қала тазалығын, қала мәдениетін бойына сіңіруде өзінің маңызы зор деп ойлаймын. Әрқашан қаламыз таза болсын. Қаламызды таза ұстайық.

Қуан Нұрақын