Жаңалықтарды Telegram арнамыздан оқыңыз!Қайтарылған активтер есебінен Шымкентте Сайрам мектеп-интернат-колледжі балалары үшін жатақхана салынып жатыр. Екі жарым миллиард теңге қаржыға тұрғызылып жатқан ғимараттың құрылысы осы жылдың соңында аяқталмақ. Қазір алғашқы қабатының қабырғалары көтеріліп жатыр. Осыдан жарты ғасыр бұрын ашылған Сайрам мектеп интернатында 300-ден астам бала оқиды. Сондай-ақ ерекше күтімді қажет ететін балалар үшін өткен оқу жылында арнайы колледж ашылып, 48 бала оқуға қабылданды. Жаңа нысан балалардың сабақтан соң емін-еркін тынығуына және қосымша тәрбие жұмыстарына қатысуына мүмкіндік береді.
Ғалымжан Артықов, Колледж директорының орынбасары:
Балаларға барлық жағдай қарастырылған. 300 балаға арналған үш қабатты ғимаратта пандус, лифт және ойын бөлмелері бар. Сабақтан тыс уақытта балалар өздерінің бөлмесінде, ойын алаңдарында уақыт өткізеді.
Ғани Қалмаханов
