Шымкент халқының экологиялық мәдениеті артып келеді

Шымкентте «Таза бейсенбі» акциясы бүгін Қаратау ауданына қарасты Тұран шағын ауданында жалғасты. «Amanat» партиясы ұйымдастырған экологиялық шараға белсенді жастар және шаһар тұрғындары қатысты. Олар жаңадан бой түзеп келе жатқан шағын аудандағы көше бойын қоқыстан, жол жиегін арам шөптерден тазартты. Жалпы саяси ұйымның тазалық акциясын апта сайын үздіксіз өткізіп келе жатқанына жылға жуықтады. Осы уақыттың ішінде тұрғындардың экологиялық мәдениеті артып, тазалық жұмыстарына да белсенді қатыса бастады, - дейді партия өкілдері.

Әбдез Иманқұлов, «Amanat» партиясы Абай аудандық филиалының атқарушы хатшысы:

Қаланың таза болғанын көзбен көріп жүрміз. Екіншіден, тұрғындардың тазалыққа біршама көбірек қатыса бастағанын байқап отырмыз. Бұл дегеніміз елдің, осында тұрып жатқан азаматтардың тазалыққа ұмтылысы, белгісі, көрініс деп ойлаймын.

Ғани Қалмаханов