100 таңдаулы кітапты анықтауға қатысқандар марапатталды

Алматыда Отандық 100 таңдаулы кітапты анықтау жобасына қатысушылар марапатталды. Бүгінде сауалнамаға 16 мыңнан аса азамат қатысып, өз таңдауын жасаған. Әр мыңыншы болып дауыс берген қатысушыға арнайы сыйлық табысталды. Алматылық Ақерке Нышанова бес мыңыншы болып дауыс берсе, Орал қаласының тұрғыны Марал Жұмағалиев он бір мыңыншы қатысушы ретінде тіркелген. Жалпыхалықтық сауалнама әлі де жүріп жатыр. Қатысушылар eGovMobile қолданбасы арқылы көркем әдебиеттің түрлі жанрындағы өзі үздік деп тапқан 10 кітап ұсына алады. Айта кетсек, дауыс беру 23 шілдеге дейін жалғасады. Қорытынды 10 тамыз, яғни «Абай күнінде» жарияланбақ.

Раиса Қадыр, баспагер, Ұлттық құрылтай мүшесі:

Әдебиетке деген көзқарас еш уақытта өзгермейді. Өзгермегенде. Жазушыларымыз дамып жатыр. Мемлекет тарапынан да көп қолдау көрсетіліп жатыр. Сондықтан бұл да әдебиетке деген мемлекетіміздің ең үлкен қолдауларының бірі. Бұл жаңа бастама ары қарай жалғаса береді деген үміттемін.

Қуан Нұрақын