Қостанай облысында өзен жағасын қалбырлардан тазартты

Қостанай облысының Қостанай ауданында «Жанашыр бол» қоғамдық қоры экологиялық байқау өткізді. Байқаудың мақсаты – тұрмыс қалдықтарын сұрыптау әдетін қалыптастыру. Іс-шара ынталандыру түрінде өтті. Бір ай мерзім ішінде ең көп алюминий қалбырын сұрыптап-жинап тапсырған бес адамға сыйлыққа велосипед берілді. Барлығы 150 келі алюминий қалбыры жиналған. Әсіресе балалар белсенділік танытты. Ал Бейімбет Майлин ауданындағы бірнеше ауылда «Таза жағалау» акциясы ұйымдастырылды. Акция барысында 60-қа жуық қатысушы Әйет өзені жағалауының 5 шақырымға жуық аумағын қоқыстан тазартты. Бұл іс-шараның барлығы республикалық «Таза Қазақстан» акциясы аясында ұйымдастырылған. 

Мәдина Нағашыбай