Петропавлда мектеп оқушысына әлімжеттік жасап, ақша бопсалаған

Петропавлда мектеп оқушысына қатарластары ұзақ уақыт бойы әлімжеттік жасап, ақша бопсалап келген.

Жасөспірім қыздар жапа шегушіні ұрып-соғып, ұялы телефонға түсіріп отырған. Видео Петропавлдағы телеграмм арналардың бірінде жарияланды. Буллинг құрбаны №9 мектептің оқушысы. Қыздың анасы полицияға арызданған. Аталған дерекке қатысты қылмыстық іс қозғалды.

Айнагүл Сұрағанова, облыстық білім басқармасының басшысы:

Қысым жасаған Петропавл қаласының жасөспірімдері. 14-ші мектептің оқушылары бар, 23-ші және колледж-мектептің оқушылары бар. Бүгінгі күні осы оқиға бойынша полиция бөлімінде тергеу жұмыстары жасалып жатыр.

Эльмира Кәленова