Ғалымдар киіктердің етін сатуды ұсынды

Киіктерден пайда табуға болады. Бүгін Мәжілісте ғалымдар осындай ұсыныс айтты. Қазір олардың саны 4 миллионнан асқан. Жыл сайын 20 пайызын пайдалануға берсек, тек еттің өзінен 2,5 млн доллар пайда табуға болады. Ішкі құрылыстары тағы 1 миллиард. Ал мүйізін медициналық мақсатта пайдалануға болады.

Киіктердің зиянын көріп отырған шаруалар Үкіметтен олардың санын азайту бойынша шұғыл шара қабылдауды бірнеше жылдан бері сұрап келеді. Ауыл шаруашылығы және экология министрліктерінің өкілдері нақты шешім 1 аптаның ішінде шығатынын айтты.

Оңғар Алпысбай