Басты Жаңалықтар Интернет алаяқтық: Кең тараған схемалар мен сақтану жолдары қандай?

Интернет алаяқтық: Кең тараған схемалар мен сақтану жолдары қандай?

12.04.2026 19:57

Полиция алаяқтардың eGov.kz электронды үкімет порталын инструмент қылып бастағанын хабарлады. Жұрттың электронды берілетін мемлекеттік қызметтерге деген сенімін пайдаланып тұр. Мақсаты сол — азаматтардың жеке деректеріне қол жеткізу.

Мобильді телефонға түсетін хабарлама мемлекеттік байланыс орталығынан-мыс. Онда айыппұл белгіленгені жазылып, сілтеме арқылы өтіп төлеу ұсынылады. Сілтеме eGov порталына ұқсайтын сайт ашады. Шын мәнінде — жалған сайт. “Төлеу” түймесін бассаңыз болды, банк картасының дерегін сұрайды. Сосын “іс бітті — қу кетті”.

Тапа-тал түсте ақшадан айырылу ресми дерек бойынша азайғанымен, анау айтқандай жақсарып кетпегенін біліп отырмыз.

Осы аптада ғана бір азаматтың депозитіндегі 20 млн теңгесінен айырылғанын естідік.

Телефон алаяқтарының ылаңын ауыздықтау үшін түсіндіру, ескерту, ағарту жұмыстары иә, азды-көпті жүргізіліп жатыр. Иә, сезінетіндей азайту — технологиялардың зымырандай заулаған дәуірінде өте-мөте қиын.

Автор

Раушан Сайлауқызы

Бөлісу